Әжемнің айтатын тыйым сөздері
Менің әжем өте ақылды, мейірімді жан. Ол маған әрдайым ақылын айтып отырады. Әжемнің айтатын тыйым сөздері көп.
Әжем: «Нанды жерге тастама, обал болады» дейді. «Суға түкірме, су – тіршілік көзі» деп үйретеді. «Үлкеннің сөзін бөлме», «Кісіге қатты сөйлеме», «Құстың ұясын бұзба» деп тәрбиелейді.
Әжемнің әр сөзі терең мағыналы. Ол мені әдепті, ұқыпты, мейірімді болуға шақырады. Мен әжемнің айтқан тыйым сөздерін тыңдап, орындауға тырысамын.
Әжемнің тәрбиесі – мен үшін үлкен мектеп.
